Follow us on facebook facebook.com/newsarm.am

Կոռուպցիա՝ եկեղեցում․ օրհնությունից հետո քահանան 50 000 դրամ է պահանջել՝ «վերևների համար»

Tert.am-ի խմբագրություն դիմած քաղաքացին, որը դեկտեմբերի 31-ին մասնակցել է պսակադրության Երևանի սբ. Երրորդություն եկեղեցում, տհաճ միջադեպի է ականատես եղել պսակադրությունն իրականացնող Տեր Կորյուն քահանա Մարտիրոսյանի մասնակցությամբ, ինչն ապշեցրել է հարսանքավորներին ու փչացրել նրանց տրամադրությունը:

Ըստ քաղաքացու՝ պսակադրությունից անմիջապես հետո քահանան կանչել է հարսնացուի ազգականին՝ ասելով, որ լրացուցիչ գումար է պետք հավաքել, քանի որ խաչհամբույրի գումարը քիչ է: Քաղաքացին ականատես է եղել, որ քահանան այնուհետ փեսայի հետ է խոսել ու պահանջ ներկայացրել, թե «էսպես չի լինի, գումար ավելացրեք, ես մենակ 50 հազար դրամ պետք է վերևներին տամ, բայց ձեր հավաքած գումարը քիչ է»: Հարսանիքի մասնակիցները հրաժարվել են գումար ավելացնել, ինչից հետո քահանան զայրացել է ու, դժգոհությունը չթաքցնելով, փնթփնթալով շրջել է եկեղեցում:

Արարատյան հայրապետական թեմի կայքէջից տեղեկանում ենք, որ Տեր Կորյունը հենց այս թեմի քահանաներից է: Նա 1978թ-ի մայիսի 27-ին ձեռամբ Տեր Հուսիկ արք. Սանթուրյանի ձեռնադրվել է սարկավագ: 2001-2015թթ. ծառայել է Երևանի Ս. Սարգիս առաջնորդանիստ եկեղեցում, որպես խորհրդակատար քահանա: Գարեգին Բ Ամենայն Հայոց կաթողիկոսի օրհնությամբ ստացել է ծաղկյա փիլոն կրելու իրավունք և ավագ քահանայության պատիվ: Իսկ 2015թ. հունիսի 1-ից ծառայության է անցել Սբ. Երրորդություն եկեղեցի՝ որպես խորհրդակատար քահանա:

Քանի որ տեր Կորյունը Արարատյան հայրապետական թեմից է, որի առաջնորդը Նավասարդ արքեպիսկոպոս Կճոյանն է, Tert.am-ը դիմեց արքեպիսկոպոս Կճոյանին: «Նման բան գոյություն չունի Արարատյան թեմում և ոչ մի եկեղեցում: Եթե նման բան տեղի է ունեցել, քահանան կոպիտ սխալ է թույլ տվել, բայց ապացույց է պետք: Նման կարգ գոյություն չունի»,- ի պատասխան հայտարարեց Նավասարդ Կճոյանը:

Դիտարկմանը, թե քահանան ասել է, որ իրենից վերև պետք է 50 հազար գումար տա, իսկ իրենից վերև հենց ինքը՝ Նավասարդ արքեպիսկոպոս Կճոյանն է, սրբազանն ասաց. «Իրենից վերևը հոգևոր հովիվն է, հետո նոր ես եմ, բայց դա իրականությանը չի համապատասխանում: Նման կարգ գոյություն չունի, եթե գոյություն ունենար, համատարած բնույթ կկրեր»:

Հարցին, թե ինչու է այդ դեպքում քահանան նման հայտարարություն արել, Նավասարդ սրբազանն այսպիսի պատասխան տվեց. «Դե հիմա քահանային էլ որ հարցնենք, քահանան կժխտի դա: Եթե ուզում եք ճշմարտությունը բացահայտվի, էդ մարդիկ պետք է գան և ասեն՝ մեզ հետ է տեղի ունեցել դա»:

Հարցին, թե Արարատյան թեմի առաջնորդը չի՞ կարծում, որ քահանան պետք է պատասխանատվության ենթարկվի, Նավասարդ արքեպիսկոպոս Կճոյանը պատասխանեց. «Բայց ապացույց է պետք: Ինչպե՞ս ես դա ապացուցեմ: Տեր Կորյուն քահանան հին քահանա է, բազմափորձ քահանա է: Նաև դասավանդում է ճեմարանում: Ես զարմանում եմ, ճիշտն ասած: 2-3 հազար է գումարը, որը գնում է քահանային և եկեղեցուն, մնացածն ըստ իրենց բարի հայեցողության է՝ կուզենան քահանային վճարեն, թե չեն ուզի: Դա իրենց անձնական գործն է, քահանան պահանջելու իրավունք չունի: Էդ քահանան կպատժվի, եթե դա հաստատվի, դրա համար խնդրում եմ՝ էդ մարդկանց ասեք, թող ինձ մոտ գան, դիմեն, ժամադրվեն, հանդիպենք, որպեսզի ճշմարտությունը բացահայտվի: Ես կարծում եմ՝մեր քահանաները բոլորը բարեխիղճ աշխատում են:

Եթե նման բանը փաստվում է, էդ քահանան պետք է պատժվի, տարբեր պատիժներ կան»:

Դիտարկմանը, թե միգուցե այդ քահանան էլ է ուզում շքեղ կյանքով ապրել, շքեղ մեքենա վարել, ինչպես ինքը, Նավասարդ արքեպիսկոպոս Կճոյանը հակադարձեց, որ ինքը շքեղ կյանքով չի ապրում: «Դուք որտեղի՞ց գիտեք դա: Դուք էդպիսի բաներին հավատո՞ւմ եք, որ ասում են: Շատ տեղերում շատ բան են ասում»:

News line
Women's Ideal Body Types Throughout History The intriguing puzzle of extreme sleepiness 17 THINGS ALL HAPPY COUPLES DO Very funny videos that make you laugh and cry Funniest Video Ever YouTube Top 10 Healthiest Foods In The World The Most Revealing Celebrity Red Carpet Dresses Of All Time Famous People Who Seriously Let Themselves Go 10 Simple Habits to Lose Weight Naturally These 40 Heart Warming Pictures Will Show You What True Love I Top 10 Most Luxurious Trains In The World From Cape Town's beaches and scenic mountain hikes to its best vineyards and hotels: An ultimate guide to the South African hot spot that has it all New opinion poll on election preferences presented by sociologists from KOG institute and Demokratijos projektai Argam Abrahamyan renovating Artashat roads Kindergarden No. 4 is renovated in Artashat Buildings are renovating in Artashat The improvement and landscaping works continue in Artashat Benches are placed in Artashat according to Argam Abrahamyan’s instructions Continue to improve Artashat Playgrounds, fountains, arbours: Renovation of Artashat has started A kindergarden is renovated in Artashat Landscape gardening of Artashat has started “Single window” principle for Artashat residents Fundamentally renovated and partially restored the rooves of buildings Replenishment in Artashat polyclinic Artashat expande the illumination system of streets and yards Argam Abrahamyan kept his promise Artashat is prospering Artashat finds solution to scavenging problem of the town